Shkruan: Dr Samire Ademi Lutolli
Gjinekologe dhe Obstetre
Çfarë është testi NIFTY? A janë NIPT dhe NIFTY e njëjta gjë? A ka rëndësi se cilin test do të zgjedh?”
Me dëshirën për të mësuar më shumë rreth shëndetit të fëmijës së tyre para lindjes, gjithnjë e më shumë prindër në pritje, vendosin të bëjnë testin joinvaziv NIFTY. Ky test është një pikë kthese në diagnostikimin prenatal dhe ka sjellë me vete fuqinë e njohurive për shëndetin e foshnjës para lindjes, qetësinë shpirtërore për gratë shtatzëna, prindërit e ardhshëm dhe mjekët.
Tendencat e sotme gjenetike priren drejt përdorimit të procedurave jo-traumatike me një shkallë të lartë rezultatesh të sakta dhe në kohën më të shkurtër të mundshme, të matur në orë dhe ditë dhe jo në javë si më parë.
Ky artikull do të shpjegojë metodën NIPT dhe testin NIFTY për t’ju ndihmuar të vendosni bazuar në informacione të kuptueshme dhe të besueshme.
Gabimet kromozomale, ose gabimet në pjesë të caktuara të gjenomës, janë një shkak i shpeshtë i aborteve spontane ose shkaktojnë parregullsi të vogla ose të mëdha gjatë zhvillimit tw frytit.
Akronimi NIPT do të thotë test prenatal jo-invaziv. Këto janë teste gjenetike të bazuara nga një mostër e gjakut të nënës. Qysh në fillim të shtatzënisë, çdo grua shtatzënë ka në gjak si ADN-në e saj ashtu edhe të frytit. Duke e testuar këtë ADN, ne mund te zbulojme anomali gjenetike tek femija me metodat më të avancuara të depistimit joinvaziv.
Keto teste matin fraksionin e lirë të ADN-së së foshnjës në gjakun e nënës, i cili arrin kulmin midis javës së 10-të dhe 21-të të shtatzënisë. ADN-ja e izoluar analizohet për të gjitha anomalitë kromozomale klinikisht të rëndësishme, si sindromën Down, qysh në tremujorin e parë të shtatzënisë por edhe trizomitë e tjera më të zakonshme, Edwards dhe Patau, çrregullimet gjinore, mikrodelecionet, dhe gjithashtu është e mundur të zbulohet gjinia e frytit.
Testet NIPT janë të sigurta për gruan shtatzëne dhe fetusin.
Sot, shumica e nënave të reja dhe shtatzënave janë të vetëdijshme se me ndihmën e testit NIFTY mund të përcaktojnë mundësinë e gabimeve kromozomale dhe anomalive të tjera tek fëmija tashmë në fillim të shtatzënisë, më saktë nga java e 10-të.
Testi i ADN-së së fetusit përdoret më shpesh nga gratë shtatzëna si një shtesë në ekzaminimin me ultratinguj, tek gratë shtatzëna në rrezik për anomalitë kromozomale të fetusit, ato që dëshirojnë të shmangin procedurat invazive, siç është analiza e amniocentezës, për të shmangur rrezikun e humbjes së shtatzënisë së shkaktuar nga amniocenteza, pra aborti.
Testi i depistimit NIPT është më i besueshëm se matja me ultratinguj e palës së tejdukshmërisë nuhale dhe screening testet e hormoneve të dyfishta dhe katërfishta.
Shërbimi me cilësi të lartë, testi joinvaziv prenatal NIFTY, është testi i parë prenatal i disponueshëm për gratë shtatzëna në Kosovë. Le të shohim arsyet pwrse gratë shtatzëna zgjedhin më shpesh testin NIFTY!
NIFTY = testi prenatal joinvaziv kryesor në botë
Çfarë bëri që më shumë se 10 milionë gra shtatzëna t’i besonin NIFTY?
- Më I besueshmi
Teknologjia më e përparuar e NIFTY u jep prindërve në pritje rezultate jashtëzakonisht të besueshme në lidhje me shëndetin gjenetik të fëmijës së tyre ende të palindur.
Një rezultat NIFTY me rrezik të ulët do të thotë që shanset qw fëmija juaj të mos ketë ndonjë nga anomalitë e testuara janw mw shumw se 99%. Kjo siguri u jep prindërve të ardhshëm qetësi gjatë pjesës së mëtejme të shtatëzanisë.
Testi më gjithëpërfshirës NIFTY nga GenePlanet ka përparësinë e ekzaminimit të të gjitha kromozomeve të frytit me teknologjinë e tij unike, duke dhënë një pamje më të plotë të shëndetit gjenetik të fëmijës.
Në total, ai teston për më shumë se 200 anomali gjenetike, duke e bërë atë testin NIPT më të plotë në treg.
Për vite me radhë, NIFTY përpiqet të japë sa më shpejt të jetë e mundur rezultatet më të plota dhe të sakta. Nëse zgjidhni testin NIFTY, mbani mend se jo të gjitha testet NIPT janë NIFTY dhe sigurohuni që të zgjidhni testin më të mirë të disponueshëm.
- Standardet evropiane të cilësisë
Përveçse është NIPT-i më i vlefshëm në treg, i besuar nga më shumë se 10 milionë gra shtatzëna në mbarë botën, ai është edhe me bazë në BE.
Përpunimi I mostrave nga NIFTY GenePlanet do të thotë se i gjithë procesi ndjek standardet evropiane të cilësisë, të cilat janë ndër më të lartat në botë. Të gjitha këto arsye bindin si gjinekologët ashtu edhe nënat se testi NIFTY është zgjedhja e duhur për ta.
Çmimi i testit varet nga sasia e të dhënave të kërkuara.
Për shkak të këtyre rezultateve, në dëshirën për të mësuar më shumë për shëndetin e fëmijës së tyre para lindjes, gjithnjë e më shumë prindër të ardhshëm vendosin të bëjnë testin prenatal joinvaziv – NIFTY, i cili është në mënyrë krejtësisht të sigurt zbulon rrezikun e zhvillimit të disa çrregullimeve gjenetike.
Futja e tij tashmë dukshëm kontribuon në zvogëlimin e numrit të metodave invazive të panevojshme, dhe në këtë mënyrë redukton numrin e aborteve, të cilat janë rezultat i metodave diagnostikuese invazive.
Në disa vende evropiane (p.sh. Austri), përqindja e grave që vendosin të bëjnë një test prenatal për gabimet më të zakonshme kromozomale në fillim të shtatzënisë është shumë e lartë (mbi 85%). Në të njëjtën kohë, të dhënat e Eurostat tregojnë se përqindja e aborteve në këto vende nuk është më e lartë se në vendet ku gratë zgjedhin më rrallë testet prenatale. Kështu, për shembull, Austria është një nga vendet me përqindjen më të ulët të ndërprerjeve artificiale të shtatzënisë.
Pra, me testin NIFTY, prindërit e ardhshëm marrin informacion të besueshëm për shëndetin e fëmijës së tyre, i cili u mundëson atyre të përgatiten fizikisht dhe mendërisht për lindjen e një fëmije në rast të anomalive kongjenitale në zhvillimin e fëmijës, si dhe të eksplorojnë mundësitë e terapisë së ofruar nga mjekesia moderne./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
